متفرق موضو عات
1 ۔ جملۂ معتر ضہ : وہ لفظ یا جملہ جو قوسین کے اندر وضاحت یا طنز کے لئے لکھا جائے ۔ اس کا اصل جملے سے کوئی تعلق نہیں ہوتا ۔اس کے ہونے یا نہ ہونے سے اصل جملے پر کوئی اثر نہ پڑے ۔ا لبتہ اس کے نہ ہونے سے ایک گو نہ تشنگی کا ا حسا س ہوتا ہے ۔
مثال : 1۔ غبار خاطر ( مولانا ابوالکلام کے خطوط کا مجموعہ ) کا تازہ ایڈیشن مارکیٹ میں دستیاب ہے ۔
2۔ بلال ( پروفیسر اکرم کا بیٹا ) جماعت میں اوّل آیا ہے ۔
2 ۔ مبتدا ا ور خبر میں فرق : اسمیہ جملے میں جس اسم یا چیز کے بارے میں بتایا جائے ، اسے ” مبتدا ” کہتے ہیں اور جو بات بتائی جا رہی ہو ، اسے ” خبر ” کہتے ہیں ۔
مثا ل : 1 ۔دہی کھٹا ہے ۔
و ضا حت : دہی : مبتد ا ، کھٹا : خبر
2 ۔ موسم خوشگوار ہے ۔
وضا حت : موسم : مبتدا ، خوشگوار : خبر
3 ۔ تکر ا ر ( بحث ) : کسی چیز پر بار بار زور دینا ، دہرانا یا لفظی جنگ کو تکرار کہتے ہیں
مثال : 1۔دہن پر ہیں اُن کے گماں کیسے کیسے کلام آتے ہیں درمیاں کیسے کیسے
2۔ سلیم بار بار گھڑی دیکھ رہا تھا ۔
وضاحت : ” کیسے کیسے ” اور ”با ر با ر ” تکرار ہے ۔
4 ۔ عرض : یہ متشابہہ لفظ ہے ۔ اس کے ایک سے زائد معنی ہیں ۔ یہ ”بیان ، گذارش ، اظہار ، ثوڑائی ، عرصہ ، مدت اور درمیان ”کے معنی رکھتا ہے ۔
5 ۔ مسمط : ایسی نظم جو بند کی صورت میں لکھی جائے ۔ا س میں ا وّ ل چند ا شعا ر ایک قا فیہ میں لکھے جائیں ا و ر اس کو ایک بند قرا ر دیا جائے ۔ جب کہ باقی اشعا ر جداگا نہ قا فیوں میں لکھے جا ئیں ۔
ا قسا م : مثلث ( جس کے ہر بند میں تین 3 مصرعے ہوں )
مربع (وہ نظم جس کا ہر بند چا ر 4 مصر عو ں کا ہو )
مخمس ( ا یسی نظم جس کے ہر بند میں مصرعو ں کی تعدا د پا نچ 5 ہو )
مسدس ( ایسی نظم جس کے ہر بند میں مصرعوں کی تعدا د چھ 6 ہو )
مسبع ( وہ نظم جس کے ہر بند میں مصرعوں کی تعدا د سات 7 ہو )
مثمن ( وہ نظم جس کے ہر بند میں آٹھ 8 مصرعے ہوں )
متسع ( وہ نظم جس کے ہر بند میں نو 9 مصرعے ہوں )
معشر ( ایسی نظم جس کے ہر بند میں مصرعوں کی تعداد دس 10 ہو )
6 ۔ اسم ِ ضمیر ا ور اسم ِ اشارہ میں فرق : اسم ضمیر میں کسی چیز یا شخص کی طرف اشارہ کیا جاتا ہے ؛ اس کے برعکس اسم ِ اشارہ میں ہاتھ ، آنکھ یا جسم کے کسی عضو سے اشارہ کیا جائے ۔
7 ۔ اسم ِ صو ت : وہ اسم جو کسی جان دار یا بے جان کی آواز کو ظاہر کرے ۔
مثلاً : گھنٹی ٹن ٹن بجتی ہے ۔ کوئل کوکو کرتی ہے ۔
چڑیا چوں چوں کرتی ہے ۔ مینہ چھم چھم برستا ہے ۔
| طوطا | ٹیں ٹیں | کوّا | کائیں کائیں | گدھا | ڈھینچوں |
| کبوتر | غٹرغوں | دل | دھک دھک | ریل | چھک چھک |
| بلی | میاوں میاوں | ہنسنا | کھی کھی | چھینکنا | آچھیں |
| پینے کی آواز | غٹ غٹ | گھڑی | ٹک ٹک | بچے کا رونا | ریں ریں |
| بادل کا گرجنا | گڑڑڑ | حقے کی آواز | گُڑ گُڑ | گھنٹی | ٹن ٹن |
| چڑیوں کا اڑنا | پھُر پھُر | مکھی | بھِن بھِن | بوندیں گرنا | ٹپ ٹپ |
| ڈوبنے کی آواز | غڑاپ | بکری کی آواز | میں میں | ہوا کی آواز | سائیں سائیں |
| توپ کی آواز | دنا دن | دروازے کی آواز | چیں چیں | چوڑیوں /پائل | چھن چھن |
8 ۔ فا عل ا ور اسم فاعل میں فرق : فاعل جامد ہوتا ہے ۔ یہ کسی کام کرنے والے کا نام ہوتا ہے ۔ جب کہ اسم فاعل مشتق ہوتا ہے یعنی کسی مصدر سے بنا ہوا ہوتا ۔ یا اس کے ساتھ کوئی نہ کوئی فاعلی صفت پائی جاتی ہے ۔
مثال : علی ظفر ( فاعل )نے گانا گایا ۔ گویے ( اسم فاعل )نے گانا گایا۔
داؤد ( فاعل )نے سرمایہ کاری کی ۔ سرمایہ دار ( اسم فاعل )نے سرمایہ کاری کی ۔
9 ۔ مفعول اور اسم مفعول میں فرق : مفعول جامد ہوتا ہے اور کسی ایسے شخص یا چیز کا نام ہوتا ہے جس پر فعل واقع ہوا ہو ۔ اسم مفعول مشتق ہوتا ہے ۔ یعنی مصدر سے بنا ہوتا ہے یا اس کے ساتھ کوئی مفعولی علامت پائی جاتی ہے ۔
مثا ل : اسم مفعول :- ( مظلوم ، محکوم ، مخلو ق ، آ زمودہ ، خواندہ ، پڑھا ہوا ، بویا ہوا ۔۔وغیرہ )
10 ۔ مزاح : کسی عمل ، خیال ، صورتحال ، واقعہ ، لفظ یا جملے کے چند پہلوؤں کو اجاگر کرنا اور اس سے محظوظ ہونا یا کرنا مزاح کہلاتا ہے ۔
11 ۔ طنز : بد مزگی پیدا کئے بغیر حماقتوں ، برائیوں ، بد اخلاقی اور حالات کی اس طرح مذمت کرنا کہ مزاح کے ساتھ ساتھ ان کے خلاف جذبات بھی پیدا ہوں ” طنز ” کہلاتا ہے ۔ طنز ایک شدید قسم کی تنقید ہے لیکن ادب میں طنز کا مقصد اصلاحی ہوتا ہے ۔ اس کو ہمیشہ مزاح کے پردے میں پیش کیا جاتا ہے ۔
12 ۔ خا کہ : یہ ایک سوانحی مضمون ہوتا ہے ۔ جس میں کسی شخصیت کے اہم اور منفرد پہلو اس طرح اجاگر کئے جاتے ہیں کہ اس کی شخصیت کی جیتی جاگتی تصویر پڑھنے والے کے ذہن میں پیدا ہو جاتی ہے ۔
13 ۔ آپ بیتی : اپنے حالات ِ زندگی یا اپنے اوپر گزرنے والے واقعات کو خود تحریر کرنا ” آپ بیتی ” کہلاتا ہے ۔ اردو ادب میں بہت سے ادیبوں نے اپنی آپ بیتیاں لکھی ہیں ۔ مثلاً : جوش ، احسان دانش اور مرزا ادیب وغیرہ ۔
14 ۔ سو ا نح : سوانح حیات کسی بھی انسان کی زندگی کے تفصیلی بیان کو کہا جاتا ہے ۔اس میں انسان کی زندگی کے ابتدائی حالات ، تعلیم ، کام ، رشتے ، معاشرتی زندگی اور موت تک کے تمام پہلو بیان ہوتے ہیں ۔ اس میں حالات اور واقعات بھی ہوتے ہیں ۔جن سے دیگر انسان سبق سیکھتے ہیں ۔یہ انسان کی زندگی کی کہانی ہوتی ہے ۔
15 ۔ ڈ ر ا ما : یہ یونانی لفظ ” ڈراؤ ” سے مشتق ہے ۔ جس کے معنی اداکاری یا کچھ کر کے دکھانا ہے ۔ یہ ایک کہانی ہوتی ہے جو اداکاروں کی مدد سے ناظرین کے سامنے اسٹیج پر پیش کی جاتی ہے ۔
16 ۔ نا و ل : یہ سادہ زبان میں لکھی ہوئی ایسی کہانی ہوتی ہے جس میں انسانی زندگی کے معمولی اور روزانہ پیش آنے والے واقعات کو دلچسپ انداز میں تحریر کیا جاتا ہے ۔ پلاٹ ، منظر نگاری ، کردار نگاری اور مکالمہ نگاری اس کے بنیادی عناصر ہیں ۔
17 ۔ ا فسا نہ : یہ مختصر کہانی ہوتی ہے ۔کوئی سادہ سا قصہ جس میں انسانی زندگی کے ایک پہلو کو بے نقاب کیا گیا ہو ۔ یہ انگریزی ادب سے اردو ادب میں آیا ہے ۔
18 ۔ لو ک کہا نی : لوک کہانیاں نظم میں بھی ہوتی ہیں اور نثر میں بھی ۔ یہ عوام کے خیالات کی ترجمان ہوتی ہیں ۔یہ تحریر کی بجائے سینہ در سینہ دوسری نسل تک منتقل ہوتی ہیں ۔
19 ۔ مضمون : نثر کی وہ صنف جس میں کسی متعین موضوع پر اپنے خیالات اور جذبات و احساسات کا تحریری اظہار کیا جاتا ہے ۔ اس میں موضوع کی کوئی قید نہیں ۔اس کی خاص ترتیب ہوتی ہے ۔ اس میں نظم و ضبط ، توازن اور تناسب ضروری ہے ۔اس کی ترتیب یوں ہوتی ہے :- تعارف دلائل نتیجہ
( مرتب کردہ : شاکرہ کاظمی )