جملے بنا کر تذکیر و تانیث کا فرق واضح کرنا
حقیقی تذکیر و تا نیث : انسانوں ، جانوروں اور جانداروں کی تذکیر و تا نیث کو حقیقی کہا جاتا ہے ۔
غیر حقیقی تذکیر و تا نیث : اس سے مراد وہ تذکیر و تانیث ہے جس کے اسموں سے نر اور مادہ کی پہچان نہ ہو بلکہ اہل زبان کے محاورہ سے اس کی پہچان ہو ۔
مذکر الفاظ اور ان کا جملوں میں استعمال :
| # | لفظ | جملہ |
| 1 | تار | اکرام صاحب کا تار آیا ہے ۔ |
| 2 | مزاج | آج والد صاحب کا مزاج بہت خراب ہے ۔ |
| 3 | لالچ | لالچ کا انجام بہت بُرا ہوتا ہے ۔ |
| 4 | قلم | میرا پسندیدہ قلم ٹوٹ گیا ۔ |
| 5 | انتظار | میں دو گھنٹے سے تمہارا انتظار کر رہا ہوں ۔ |
| 6 | مرہم | اویس نے اپنے زخموں پر مرہم لگایا ۔ |
| 7 | درد | مریم کے پیٹ میں درد ہو رہا ہے ۔ |
| 8 | ذکر | اس نے خدا کا ذکر کیا۔ |
| 9 | دہی | دہی بہت کھٹا ہے ۔ |
| 10 | ٹکٹ | عباد نے خط پر ٹکٹ لگایا۔ |
| 11 | پرہیز | ہمیں تیز مصالحے دار کھانوں سے پر ہیز کرنا چاہیئے ۔ |
| 12 | جھاگ | سرف کے پانی میں بہت ذیادہ جھاگ تھا ۔ |
| 13 | جی | میرا ناران کاغان کی سیر کرنے کا جی چاہتا ہے ۔ |
| 14 | قبض | مریض کو قبض ہو رہا ہے ۔ |
| 15 | مرض | سلیم کو دمے کا مرض لاحق ہے ۔ |
| 16 | ہوش | مریضہ کو جلد ہی ہوش آگیا ۔ |
| 17 | اخبار | میں نے آج کا اخبار پڑھ لیا ۔ |
| 18 | کلام | اقبال ؎ کے کلام میں عمل اور جدوجہد کا پیغام ملتا ہے ۔ |
| 19 | چرچا | اول آنے پر ابراہیم کا چرچا پورے گاؤں میں ہوگیا ۔ |
| 20 | میل | دھونے سے کپڑوں کا میل چلا گیا ۔ |
| 21 | ماضی | مسلمانوں کا ماضی بہت شان دار ہے ۔ |
| 22 | عیش | اُسامہ آج کل دبئی میں عیش کر رہا ہے ۔ |
| 23 | ہاتھ | ہاتھ ہے اللہ کا بندۂ مومن کا ہاتھ |
| 24 | گلاس | مجھ سے شیشے کا گلاس ٹوٹ گیا ۔ |
| 25 | دانت | گرنے سے کامران کا دانت ٹوٹ گیا ۔ |
موئنث الفاظ اور ان کا جملوں میں استعمال :
| # | الفاظ | جملے |
| 1 | محراب | مسجد کی محراب میں فانوس لگے ہوئے ہیں۔ |
| 2 | جھاڑو | سارہ نے جھاڑو خریدی۔ |
| 3 | سوچ | میری سوچ مثبت ہے ۔ |
| 4 | سائیکل | میں نے کل ایک نئی سائیکل خریدی ۔ |
| 5 | بسم اللہ | ہر کام کی ابتدا بسم اللہ پڑھ کر کرنی چاہیئے۔ |
| 6 | پیاز | سالن پکانے کے لئے امی جان نے پیاز کاٹی ۔ |
| 7 | پتنگ | زین کی پتنگ کٹ گئی ۔ |
| 8 | بہشت | ہر مسلمان بہشت جانے کی خواہش رکھتا ہے ۔ |
| 9 | ڈکار | کامران نے کھانے کے بعد ایک بڑی سی ڈکار لی ۔ |
| 10 | ناک | نزلے کی وجہ سے وجاہت کی ناک سرخ ہو رہی ہے ۔ |
| 11 | دوا | ملیریا کی دوا بہت کڑوی ہوتی ہے ۔ |
| 12 | میز | شیشے کی میز ٹوٹ گئی ۔ |
| 13 | کیچڑ | برسات میں ہر جگہ کیچڑ پھیلی ہوئی ہے ۔ |
| 14 | گھاس | مالی نے باغ کی زائد گھاس کاٹ لی ۔ |
| 15 | گیند | بچے ٹینس کی گیند سے کرکٹ کھیل رہے تھے۔ |
| 16 | جنگ | آج کل جدید اسلحے سے جنگ لڑی جاتی ہے ۔ |
| 17 | چھت | تیز بارش سے کمزور چھت گر گئی ۔ |
| 18 | معراج | نماز مومن کی معراج ہے ۔ |
| 19 | وعظ | ماں کی اخلاقی وعظ و نصیحت سے ارحم اچھا انسان بن گیا ۔ |
| 20 | غزل | میرؔ کی غزل میں درد و سوز ہوتا ہے ۔ |
| 21 | لکڑی | میں نے لکڑی کی میز خریدی۔ |
| 22 | فوج | سرحد پر فوج کی ذمہ داری بہت سخت ہوتی ہے ۔ |
| 23 | محنت | اوّل آنے کے لئے شبانہ نے بہت محنت کی ۔ |
| 24 | سیر | صبح کی سیر بہت لطف دیتی ہے ۔ |
| 25 | تعلیم | طلبا ء کو اپنی تعلیم پر توجہ دینی چاہیئے ۔ |
( تیار کردہ : شاکرہ کاظمی )